Welcome to Buddhistvision

You can download thripitaka, sutta deshana, dhamma books.

තෙරුවන් සරණයි !

මෙම වෙබ්අඩවියට පැමිණි ඔබහට ත්‍රිපිටකය, සූත්‍ර දේශණා, බෞද්ධ ග්‍රන්ථ ආදි බොහෝ දේ ලබා ගත හැක.

Buddhist image gallery

We have alot more than pictures, please take a few minutes to explore our huge selection!

බුද්ධ ජයන්තිය ත්‍රිපිටක ග්‍රන්ථ මාලාව

අංග සම්පූර්ණ බුද්ධ ජයන්තිය ත්‍රිපිටක ග්‍රන්ථ මාලාව,ජට්ඨ සංගායනා ත්‍රිපිටකය, පාළි-සිංහල-ඉංග්‍රීසි ත්‍රිපිටකය

Sinhala Dhamma Desana | Sinhala Dhamma Talks

This website contains a collection of Dhamma Deshana . You can download as a MP3 or video format.

බුද්ධ ජයන්ති පාලි-සිංහල ත්‍රිපිටක පූජාව

භාග්‍යවත් වූ අරහත් වූ සම්මා සම්බුදුරජාණන් වහන්සේ ජය ශ්‍රී මහාබෝධි මූලයේදී ගුරු උපදේශ රහිතව අවබෝධ කරගත්තා වූ, තුන් ලෝක සත්වයන් කෙරෙහි පතල මහා කරුණාවෙන් දේශනා කරන්නට යෙදුනා වූ, ඒ උතුම් ශ්‍රී සද්ධර්මය ට අයත් වූ, මහා කාශ්‍යප මහ රහතන් වහන්සේගේ ප්‍රධානත්වයෙන් පැවති ප්‍රථම ධර්ම සංගායනාවෙහි දී ආනන්ද මහ රහතන් වහන්සේ ද ඇතුළු පන්සියයක් මහ රහතන් වහන්සේලා විසින් සංගායනා කරන්නට යෙදුනු අසූහාරදහසක් වූ ධර්මස්කන්ධය, ත්‍රිපිටකය යි. විනයධර ධර්මධර මහා සංඝරත්නය විසින් කට පාඩමින් පවත්වාගෙන ආ ත්‍රිපිටක බුද්ධ ධර්මය වසර දොළහක් පමණ කාලයක් ලක්දිව වෙලාගෙන පැවති බැමිණිතියා සාය නම් වූ දුර්භික්ෂ කාලයකදී වුවද මහා සංඝරත්නය විසින් ජීවිත පරිත්‍යාගයෙන් දරාගෙන සිට දුර්භික්ෂය පහව ගිය කල්හි එලෙස දරාගෙන සිටි සද්ධර්මය කිසිඳු වෙනසකට භාජනය වී නොමැති බවත් මනාව තහවුරු කරගත්තාහුය. එම ව්‍යවසනයෙන් බුද්ධ ශාසනයට බලපෑමක් එල්ලවීම නිසා එතෙක් කල් කට පාඩමින් රැගෙන ආ සද්ධර්මය ආරක්ෂා කරගනු වස් ධර්ම සංගායනාවක් පැවැත්වීමටත් ත්‍රිපිටකය ග්‍රන්ථාරූඪ කිරීමටත් මහා සංඝරත්නය තීරණය කළහ. එම තීරණයෙන් පසු එකල ලක්දිව පාලනය කළ වගම්බා රජතුමාගේ අනුග්‍රහයද ඇතිව මාතලේ අළුලෙන් විහාර පරිශ්‍රයේදී ත්‍රිපිටකය ග්‍රන්ථාරූඪ කිරීම මහා සංඝරත්නය විසින් සිදු කරන ලදී. රාජ්‍ය අනුග්‍රහය ඇතිව 2500 ශ්‍රී සම්බුද්ධ ජයන්ති උළෙල මූලික කරගෙන එතෙක් කල් පාලි භාෂාවෙන් ලියවී තිබුන ත්‍රිපිටකය සිංහල භාෂාවට පරිවර්තනය කිරීමේ බාරදූර කාර්යය එවකට වැඩ සිටි වැලිවිට සෝරත, බළන්ගොඩ ආනන්ද මෛත්‍රී වැනි මහා තෙරුන්වහන්සේලා වෙත පැවරිණි. ධර්ම පොත් පනස් හතකින් සමන්විත ත්‍රිපිටකය සම්පුර්ණයෙන්ම සිංහල භාෂාවට පරිවර්තනය කිරීමට වසර තිස් දෙකක් ගත විය. මෙම පරිවර්තනය බුද්ධ ජයන්ති ත්‍රිපිටක ග්‍රන්ථ මාලාව ලෙස හඳුන්වයි. මෙම බුද්ධ ජයන්ති ත්‍රිපිටක ග්‍රන්ථ මාලාව මහා සංඝරත්නය උදෙසා ධර්ම දානයක් වශයෙන් පූජා කිරීම සඳහා අප හට අවස්ථාවක් ලැබී ඇත. මේ සඳහා ඔබ කැමැත්තක් දක්වන්නේ නම් හැකි පමණින් දායකත්වය ලාබා දී ධර්ම දානමය ආනිසංස ලබත්වා. 

සාදු ! සාදු !! සාදු !!! 

පහත දුරකථන අංක මඟින් අප හා සම්බන්ධ විය හැක.
 0712621404, 0712930639


මෙම ත්‍රිපිටක පූජාව 2016 ක් වූ දුරුතු මස 02 වන දින මහා සංඝරත්නය උදෙසා මහියංගණයදී සිදු කරන ලදි. පිංකම සඳහා නන් අයුරින් උපකාර කලා වූ සැමට හා දැක බලා සතුටු වූ සැම දෙනාටත් මෙත් සිතින් පින් අනුමෝදන් කරමි.